Sárar hreyfingar

22.05.2008

Sæl!

Ég er ófrísk af mínu öðru barni og er komin 29 vikur. Ég byrjaði að finna fyrir hreyfingum mjög snemma, finn mjög mikið fyrir hreyfingunum og þær eru mjög kröftugar - mikið meira en síðast sem voru þó miklar og kröftugar.

Það sem ég hef áhyggjur af er að í hvert sinn sem að barnið kemur við einn ákveðin stað inni í bumbunni finn ég mikinn sársauka og það er eins og sá staður sé mjög vinsæll „sparkstaður“. Þetta byrjaði fyrir svona 2 - 3 vikum. Getur verið að ég sé marin eða komin með sár innan á veggi bumbunnar? Ef ég ýti á þennan stað er ég svolítið aum eins og ég hafi verið klipin. Þarf ég að hafa áhyggjur af þessu eða er þetta bara eðlilegt?


Sæl!

Sennilega er þetta rétt hjá þér að ef barnið sparkar mikið á sama stað þá gæti verið að þú sért pínu marin þar.

Gangi þér vel.

Kveðja,

Tinna Jónsdóttir,
ljósmóðir og hjúkrunarfræðingur,
22. maí 2008.