Spurt og svarað

15. janúar 2007

Sársauki við kynmök

Núna er ég að koma með mitt þriðja barn og allt gengur bara ljómandi vel:)  En þegar kemur að því að mig/okkur langar að stunda kynlíf þá bara get ég það ekki, ég er svo ofboðslega aum í legöngunum og finn mikinn sviða og óþægindi þannig að þetta er bara hreint og beint vont.  Jú kynlíf er meira en bara að fá tippi í sig en okkur langar það líka:)  Ég er gengin núna 24 vikur og ég hef aldrei fundið fyrir svona, er þetta eðlilegt? og hvað getur verið að?


Komdu sæl.

Það er erfitt að svara því svona í gegnum tölvupóst hvort þetta er eðlilegt eða ekki og fleiri upplýsingar sem vantar.  Ef þetta er vegna þurrks í leggöngum getur það verið eðlilegur fylgikvilli vegna hormónabreytinga og þá þarf bara að nota sleipiefni til að laga vandamálið.  Ég ráðlegg þér að tala um þetta við ljósmóðurnina þína eða lækni.  Hugsanlega er um sýkingu að ræða í leggöngunum og þá þarf að taka sýni til að staðfesta það og hugsanlega setja þig á sýklalyf.

Gangi þér vel

Rannveig B. Ragnarsdóttir,
hjúkrunarfræðingur og ljósmóðir.
15.01.2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.