Spurt og svarað

04. september 2009

Sefur fast

 Sælar fróðu ljósmæður.

Ég er komin 32 vikur á leið og ég er farin að hafa áhyggjur af því hvað ég sef fast. Ég vakna á nóttunni til að fara á salerni og einstaka sinnum að drekka og narta en þegar ég sef þá sef ég óskaplega fast og rumska ekki. Ég legg mig stundum á daginn í klukkutíma og sef mjög fast á þeim tíma, er úthvíld eftir það.  Ég óttast að ég muni sofa of fast eftir að barnið fæðist, að ég
muni ekki vakna nema það gráti hátt. Ég vil helst geta sofið laust og þá vakna við hvert tíst í barninu, en kannski breytist þetta eftir að barnið fæðist?  Er ástæða til að hafa áhyggjur? Ég er alltaf að heyra um það að konur eigi erfitt með að sofa síðustu vikurnar en það er ekki vandamál hjá mér. Er þetta eðlilegt? 


 
Komdu sæl

Það er bara frábært að þú skulir sofa svona vel og hvílast vel.  Þú þarft engar áhyggjur að hafa af þessu, þegar þú þarft að fara að vakna til barnsins verður það ekkert vandamál, bæði hefur barnið ráð til að vekja þig og eftir að barnið er fætt er ósennilegt að þú sofir svo fast að þú vaknir ekki við það.

Kveðja

Rannveig B. Ragnarsdóttir,
ljósmóðir og hjúkrunarfræðingur.
4. september 2009
.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.