Spurt og svarað

10. desember 2008

Skekkjumörk ómskoðunar eftir 24. viku

Kæru ljósmæður!

Kona sem ég þekki fór í sína fyrstu ljósmæðraskoðun 5. nóvember sl. og í framhaldinu í segulómun á kvennadeildinni þann 10. nóvember. Þá var henni sagt að hún væri komin tæplega 7 mánuði á leið og ætti að eiga barnið þann 18. janúar. Hver eru skekkjumörkin í þessu tilviki. Hún man ekki vel hvenær hún fór seinast á túr. Ég sé hér á síðunni að þegar ómunin er gerð við 19 vikur þá eru skekkjumörkin +/- tvær vikur. Gildir það sama þegar hún er komin svona langt á leið?

Kær kveðja.



Sæl!

Ómskoðun á meðgöngu sem er gerð eftir 24 viku meðgöngu hefur skekkjumörk upp á u.þ.b. 14 daga. Ómskoðun gerð fyrir 20 viku hefur skekkjumörk upp á u.þ.b. 4-6 daga. Þegar væntanlegur fæðingardagur er gefinn upp er hann við 40 vikur, en eðlileg meðganga er frá 38-42  vikur.

Kær kveðja,

María Jóna Hreinsdóttir,
ljósmóðir - deildarstjóri fósturgreinardeildar LSH,
10. desember 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.