Spurt og svarað

30. janúar 2013

Skemmdur matur

Góðan daginn og takk fyrir frábæran vef!
Getur skemmdur matur haft áhrif á fóstrið? Ég borðaði í gær eitthvað sem ég fann að var skrýtið bragð af og í dag er ég búin að vera skrýtin í maganum og mikið loft. Er komin 15 vikur á leið og hef smá áhyggjur af þessu. Veit ekki hvað var skemmt hvort það var kálið, fetaosturinn eða avokadóið. Veit bara að ég og maðurinn minn erum svona í dag.
Takk fyrir!




Sæl vertu
Í flestum tilfellum er fóstrið vel varið fyrir matarsýkingum á meðgöngunni. Þó eru einstaka bakteríur sem geta haft áhrif á það. Ég vil benda þér á tvo bæklinga sem gefnir hafa verið út af Matvælastofnun. Annar heitir Matur og meðganga og hinn heitir Varnir gegn matarsýkingum og matareitrunum.
Rétt er að leita til heimilislæknis eða heilsugæslu ef einkenni hverfa ekki fljótlega eða fara versnandi.


Gangi þér vel,
Björg Sigurðardóttir,
ljósmóðir og kennari,
29. janúar 2013.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.