Spurt og svarað

06. febrúar 2007

Skorðaður kollur

Sæl
Mig langar að vita hvort að það sé algengt að börn séu búin að skorða sig
á 32 viku, eða getur það þýtt að barnið muni fæðast fyrr?
Með fyrirfram þökk
Ein komin 32 vikur á leið


Sæl og blessuð!

Á fyrstu meðgöngu hjá konum skorðar barnið sig oftast fyrr heldur en þegar þær hafa fætt áður.
Það að barn sé búið að skorða sig við 32 vikur er í fyrra fallinu, en það eitt og sér er ekki vísbending um að barnið muni fæðast fyrir áætlaðan fæðingadag.  Það er allur gangur á þessu,  stundum er kollurinn skorðaður í margar vikur áður en barnið fæðist, og hjá fjölbyrjum skorðast kollurinn oft ekki fyrr en í fæðingunni sjálfri.
Ef þig langar að fræðast meira um þetta þá getur þú farið í "spurt og svarað" hér á síðunni og sett inn leitarorðið "skorðað"



Bestu kveðjur og gangi þér vel.

Halla Björg Lárusdóttir, hjúkrunarfræðingur og ljósmóðir
6. febrúar, 2007.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.