Spurt og svarað

13. maí 2008

Skyndileg vökvasöfnun í fæti

Kæru ljósmæður.

Það er nú víst aldrei hægt að þakka nóg fyrir þess frábæru síðu sem maður getur leitað til með öll sín vandamál:)

Þannig er nú mál með vexti að ég er ófrísk, komin 25 vikur á leið og alveg  frá því ég var gengin 20 vikur hef ég lent í því að fá einhvers konar skyndileg vökvasöfnun í vinstri fótlegg. Það fylgja ekki beinlínis verkir heldur mikil óþægindi, svona einskonar þrýstingur og fóturinn verður breiður og harður. Þetta hefur komið u.þ.b. 10 sinnum á þessum 5 vikum og líður svo hjá á nokkrum klst. Nú veit ég að það er mikið um æðaslit,æðahnúta og æðatappa í móður fjölskyldunni minni og mig langaði bara að forvitnast hvort þið teljið þetta eitthvað til að hafa áhyggjur af?

Kær kveðja, Fröken æðavandamál:)


Sæl!

Ekki kann ég útskýringu á þessu fyrirbæri sem þú lýsir og finnst ráðlegt að þú ræðir þetta við lækni. Það er að sjálfsögðu meiri vökvasöfnun í líkamanum á meðgöngu og lýsingin passar við bjúgsöfnun en þar sem þetta kemur og fer við ekkert sérstakt tilefni myndi ég benda þér á að ræða við þinn lækni og ljósmóður í mæðravernd.


Kveðja,

Tinna Jónsdóttir,
ljósmóðir og hjúkrunarfræðingur,
13. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.