Spurt og svarað

06. október 2010

Spinnng á meðgöngu

Er í lagi að vera í spinning á meðgöngu? Ef já, hvað þarf maður að passa sig á og er í lagi ef maður verður stífur í maganum án þess að vera með verki? Ég er komin 20 vikur og er búin að vera í spinning 1-2 sinni í viku og finnst það svo fín hreyfing.


Sæl og blessuð!

Það er í góðu lagi að vera í spinning á meðgöngu. Á meðgöngunni er mikilvægt að að hlusta vel á líkama sinn og fylgja því sem hann segir, þ.e ef það eru einhverjar æfingar sem þér þykja óþægilegar þá skaltu sleppa þeim. Svo er líka mikilvægt er að drekka vel af vatni á meðan æfingu stendur. Svo er gott að ráðfæra sig við spinning kennarann.

Ef þú finnur fyrir því að maginn harðni án þess að þú finnir fyrir verkjum ertu líklega að finna fyrir samdráttum. Þeir lýsa sér akkúrat þannig. Sumar konur finna aldrei fyrir þessum samdráttum meðan aðra finna fyrir þeim allt frá 20.viku. Samdrættir aukast yfirleitt eftir því sem líður á meðgönguna og flestar konur finna fyrir samdráttum á síðustu vikum meðgöngunnar. Eðlilegt er að finna fyrir samdráttum en þeir ættu þó ekki að vera fleiri en fjórir á klukkutíma. Ef þú finnur fyrir of mörgum samdráttum í spinningtímanum þá þarftu að slaka á eða gera æfingarnar á minni hraða eða krafti.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
6. október 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.