Spurt og svarað

23. júní 2008

Stærð barna

Sælar,

Mig langaði að forvitnast um það hvað það er sem hefur áhrif á stærð barna. Hefur matarræði einhver áhrif á það hversu stór þau verða ? Eða er þetta eitthvað fyrirfram ákveðið með litningum?

Ég veit að meðgöngusykursýki hefur þau áhrif að þau stækka um of en er eitthvað fleira sem gæti valdið því að þau stækki meira en þau ættu að gera?

Og er eitthvað sem að hægt er að gera til þess að koma í veg fyrir það að barnið verði stórt?

Kveðja.


Komdu sæl.

Mataræði móður á meðgöngu hefur heilmikið um það að segja hversu stórt barnið verður, en æskilegt er að borða hollan og fjölbreyttan mat og þyngjast (ef konan er í kjörþyngd) um 12 - 18 kíló á meðgöngunni því þá fær barnið gott tækifæri til að vaxa og þroskast eðlilega.  Ekki er ráðlegt að halda í við sig í mat á þessum tíma þar sem það getur komið niður á heilsu barnsins og of mikil þyngdaraukning og óhollur matur getur bæði leitt til stærra barns og heilsufarsvandamála.

Vissulega hafa litningarnir eitthvað að segja líka og börn stórra foreldra eru oft stærri við fæðingu en börn sem eiga lágvaxna foreldra.

Annað er auðvitað meðgöngusykursýkin og svo getur mikill bjúgur líka haft einhver áhrif.

Kveðja

Rannveig B. Ragnarsdóttir,
ljósmóðir og hjúkrunarfræðingur.
23. júní 2008.

 

 






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.