Spurt og svarað

02. janúar 2013

Bakfæði?

Sæl
Ég er ekki komin nema 6 vikur á leið, en málið er að mér finnst eins og það sé eitthvað að í maganum, ég er lystarlaus en samt ekki, mér svíður svo mikið í magann og gubba mjög súrum glærum vökva, þegar ég fer á fætur þá verð ég bara að hlaupa og gubba, ég er búin að prófa að borða hafragraut og ristað brauð, en það virðist ekki skipta neinu.
Með von um svar sem fyrst




Sæl, og til hamingju með þungunina
Þetta magavandamál þitt hljómar eins og klassísk meðgönguógleði sem er algengur kvilli á meðgöngu. Venjulega minnkar ógleðin og hættir alveg á 12. viku meðgöngu eða þar um bil en í sumum tilfellum varir hún eitthvað lengur.
Hér á síðunni höfum við svarað fjölmörgum fyrirspurnum um ógleði á meðgöngu, þú getur fundið fyrirspurnirnar og svörin með því að slá inn „ógleði“ eða „morgunógleði“ í leitargluggann í spurt og svarað. Einnig hafa verið tekin saman ráð við meðgönguógleði hér vinstramegin á síðunni undir „meðgöngukvillar“.
Vona að ráðin dugi þér vel.


Með bestu kveðju,
Signý Dóra Harðardóttir,
ljósmóðir og hjúkrunarfræðingur,
2. janúar 2013




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.