Spurt og svarað

10. júlí 2012

Stilnoct

Sæl

Mig langaði að spyrja þig um svefnlyf, ég komst af því ég væri ólétt þegar ég var komin 8 vikur á leið og þá var ég búin að vera taka svefnlyf (stilnoct), því ég er með ónýtt bak og sef mjög illa. Ég hef svo miklar áhyggjur að ég hafi eyðilagt eitthvað, er það möguleiki? Þegar ég fattaði að ég væri ólétt hætti ég að taka þetta en er svefnlaus í staðin. Með fyrirfram þökk


Sæl

Þú þarft ekki að  hafa áhyggjur af því að hafa skemmt eitthvað með því að hafa notað stilnoct. Ég mæli með því að þú talir við ljósmóður í mæðraverndinni og fáir frekari ráð hjá henni. Það þarf að finna lausn á þínum vanda, ljósmóðir og læknir í mæðraverndinni geta farið yfir þín mál og aðstoðað þig.
Gangi þér vel.

Með bestu kveðju,
Signý Dóra Harðardóttir,
ljósmóðir og hjúkrunarfræðingur,
10. júlí 2012





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.