Spurt og svarað

26. september 2007

Bakflæði á meðgöngu

Ég var að spá hvort hægt væri að fá bakflæði á meðgöngu?  Ég er komin 29 vikur á leið og finn oft eins og maturinn sé að koma upp úr mér, meira að segja ef ég begji mig niður þá finnst mér allt vera að koma upp þó það sé kannski langt síðan ég borðaði. Ég hef svosem ekki ælt en finnst maturinn oft vera upp í háls samt borða ég ekki mikið. Getur þetta verið bakflæði eða hvað?

 


Komdu sæl.

Þetta getur vel verið tilfinning sem stafar af því að barnið og legið er farið að þrýsta á magann og hann hefur minna pláss en áður.  Brjóstsviði er t.d. mjög algengur á meðgöngu en þá þrýstist magainnihald upp í vélindað og veldur verkjum eða sviða.  En þú talar nú ekkert um það.  Það getur hjálpað þér að borða oft og lítið í einu og vera upprétt eftir máltiðir og jafnvel sofa með hátt undir höfði og öxlum.  Önnur ráð sem virka við brjóstsviða en gætu líka hjálpað þér getur þú fundið hér á síðunni undir leitarorðinu "Brjóstsviði".

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
26. sept. 2007.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.