Spurt og svarað

11. september 2007

Stingir í leggöngum

Sælar góðu ljósmæður sem leggið ykkur fram við að fræða okkur verðandi mæður.

Ég er með spurningu varðandi sting í leggöngum. Ég er komin 35-36 vikur á leið og hef verið að fá sára stingi í leggöng. Verkurinn lýsir sér þannig að það er eins og stunga í leggöngum. Ég held að verkurinn sé u.þ.b. í miðjum leggöngum, en þó er erfitt að lýsa verknum sem fer jafn skyndilega og hann kemur. Verkurinn stendur vanalega yfir í örfáar sekúndur, en tíðnin virðist þó hafa aukist síðustu viku. Í fyrstu hélt ég e.t.v. að ég væri komin með blöðrubólgu en þar sem verkurinn tengist á engan hátt þvagláti þá tel ég ólíklegt að svo sé. Ég talaði um þetta við ljósmóður mína en fékk lítil viðbrögð og engin svör.

Með fyrirfram þökkum, Sólveig.


Það eru að ég held allflestar ófrískar konur sem kannast við þetta, lýsir sér sem snöggur sár stingur sem hverfur svo skyndilega, þetta er algengara í lok meðgöngu og tengist sennilega auknum þrýstingi frá höfði barnsins þegar það fer að koma sér neðar í grindina.

Kveðja,

Tinna Jónsdóttir,
ljósmóðir og hjúkrunarfræðingur,
11. september 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.