Spurt og svarað

19. febrúar 2008

Streita og samdrættir

Komið þið sælar og takk fyrir frábærar upplýsingar.

Ég er með eina spurningu til ykkar og hún er sú hvort streita og álag geti valdið samdráttaverkjum? Ég er komin 20 vikur á leið og á börn fyrir. Ég hef verið undir töluverðu andlegu álagi undanfarna mánuði og fann í gær verki sem minntu mig á samdráttaverki. Getur það verið rétt? Ég var auðvitað líka með mjög mikinn hjartslátt.

Annars hefur meðgangan gengið vel og það gekk líka vel á hinum meðgöngunum en þá var rólegt í kringum mig.

BH.


Komdu sæl BH

Jú það er rétt að stress og álag getur valdið samdráttum þannig að ef þú getur minnkað streituna þá væri það mjög gott.  Það er ekki gott að vera með mikla samdrætti, sérstaklega ekki svona stutt með gengin og ef þeir verða fleiri en 4 á klukkutíma þá er rétt að leita til ljósmóður eða læknis.

Gangi þér vel.

Rannveig B. Ragnarsdóttir,
ljósmóðir og hjúkrunarfræðingur.
19. febrúar 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.