Ísbað / klakabað

28.02.2018

Sælar, var að velta fyrir mér hvort óléttar konur megi fara í kalda potta svona eins og er í sundlaugum? Og þá til skiptis heitt og kalt? Oft gert til þess að sjokkera líkamann.

Heil og sæl, það hafa okkur vitanlega ekki verið gerðar neinar rannsóknir á þessu og áhrifum á líkama ófrískra kvenna. ÞAð hefur þó verið ráðið frá því að vera í lengri tíma í mjög heitum böðum en nú er aðeins farið að bera á rannsóknum sem hrekja það og segja það ekki gera til meðan konunni líður vel.  Ég tel að hér sé best að nota almenna skynsemi. Ef þú þolir vel að fara í kaldan pott og finnst það gott þá skaltu gera það af skysemi og án þess að þú sért neitt að pína þig. Það sama gildir um heita potta og ég mundi ennþá fara varlega í að vera mjög lengi í potti sem er vel yfir líkamshita. Gangi þér vel.