Spurt og svarað

23. mars 2018

Töflur til að stoppa mjólkurframleiðslu.

Góðan dag og takk fyrir frábæran vef. Nú á ég von á mér eftir nokkra daga. Ég er flogaveik og er á sterkum lyfjum og með Reynaud heilkenni og vil ekki hafa barnið á brjósti, auk þess um leið og hiti kemur á geirvörturnar þá bregast þær rangt við og herpast saman. Þrátt fyrir að e´g hafi einnig ákveðið þetta fyrir síðustu meðgönguþá voru ljósmæðurnar ólmar í að ég myndi reyna. Það kostaði bara vanlíðan. Nú ætla ég að vera harðari við slíkri afskiptasemi, hehe. :) Hinsvegar þá var mér ráðlagt af ljósmóðurinni sem kom heim að til að stoppa mjólkurframleiðsluna þá ætti ég bara að klæðast íþróttatoppi. Það virkaði heldur betur ekki og fékk ég sýkingu fyrir rest og þurfti að fá sýklalyf eftir mikla verki og svefnleysi, sem er mjög alvarlegt fyrir flogaveika. Nú spyr ég hvort ég geti ekki fengið töflur strax eftir fæðingu og hvort það sé í lagi? Þykja þær almennt óæskilegar? Hvers vegna átti ég að klæðast íþróttatoppi frekar?

Heil og sæl, nú skalt þú undirbúa þig og vera búin að útvega þér lyfið fyrir fæðinguna. Þú þarf að ræða við lækni til þess og ég ráðlegg þér annaðhvort að tala við fæðingalækni ef þú hefur hitt fæð.lækni á meðgöngunni, svo er læknirinn sem stjórnar þinni meðferð við flogaveikinni eða þá heimilislæknir, einhver af þessum læknum ætti að geta hjálpað þér. Svo getur þú líka beðið ljósmóðurina þína í meðgönguverndinni að merkja það inn í mæðraskrána þína að þú ætlir ekki að gefa brjóst. Það er stundum mælt með að vera í íþróttatopp eða einhverju þéttu um bjóstin til að reyna að draga úr framleiðslu. Vertu svo bara ákveðin, þú ert búin að taka þessa ákvörðun að vel íhuguðu máli og byggir á fyrri reynslu. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.