Spurt og svarað

20. mars 2012

Styttur legháls á 32. viku

Sælar og takk fyrir frábæran vef.

Mig langaði aðeins til að spyrjast fyrir um hvað telst eðlileg lengd á leghálsi við upphaf 32. viku? Ég er með styttan legháls (2 cm) og á að liggja fyrir næstu vikur en ég finn ekkert um hvað er eðlilegt þegar frumbyrja er gengin jafn langt og ég. Ekki gætuð þið sagt mér það?

Bestu þakkir, Margrét

Sæl Margrét!

Eðlileg lengd á leghálsi er 4-5 sm en hann hefur svo tilhneigingu til að styttast þegar líður á meðgönguna.
  • Við 16-20 vikna meðgöngu er eðlileg lengd leghálsins um 4,0-4,5 sm
  • Við 24-28 vikna meðgöngu er eðlileg lengd leghálsins um 3,5-4,0 sm
  • Við 32-36 vikna meðgöngu er eðlileg lengd leghálsins um 3,0-3,5 sm
Stytting á leghálsi getur verið vísbending um yfirvofandi fyrirburafæðingu. Niðurstöður einnar rannsóknar bentu til þess að ef legháls mældist styttri en 2,2 sm við 24 vkur væru um 20% líkur á fyrirburafæðingu og niðurstöður annarrar rannsóknar bentu til þess að ef legháls væri 1,5 sm eða styttri væru um 50% líkur á fyrirburafæðingu.

Vona að þú náir að ganga með barnið í nokkrar vikur í viðbót.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
20. mars 2012.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.