Spurt og svarað

27. mars 2018

Neikvætt þungunarpróf

Sæl eg og kærastinn minn erum að reyna eignast barn og eftir að ég hætti á pillunni hefur tíðarhringurinn minn verið 26 dagar. Ég var á pillu í í mörg ár en hafði samt reglulegan hring, ég gat ekki frestað blæðingum sama þó ég reyndi.. Nú er ég lokin á dag 34 í tíðar hringnum en fékk samt neikvætt á þungunarpróf í fyrradag.. Er með lítil einkenni, smá illt í brjóstum, hef fengið svima í 3 daga, finn mikla lykt af öllu og er með túrverki án þess að byrja á túr.. nú veit ég ekki hvort líkaminn sé að búa til þessi einkenni vegna vona minna eða hvað. Hversu lengi er hægt að fá jákvætt á prófi og staðfestir blóðprufa frekar grunnum þungun?

Heil og sæl, mér þykir frekar ólíklegt að þú sért ófrísk fyrst að þungunarpróf er neikvætt. Bíddu bara róleg í viku - 10 daga í viðbót og ef engar blæðingar hafa þá látið sjá sig skaltu taka annað þungunarpróf. Hvað varðar einkennin sem þú finnur fyrir þá eru þau líkast til  af öðrum toga því að þó þungunarprófið væri jákvætt værir þú tæpast komin með nokkur einkenni á þessum tíma. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.