Spurt og svarað

30. mars 2018

Ólétta og fósturmissi

Ég tók óléttutest um daginn að kvöldi til og það kom virkilega ljós lína, og svo um nóttina byrjaði ég á rosalega miklum blæðingum sem var allveg í 5 daga sirka. Ég hringdi uppa deild og þær sögðu mér að ég þyrfti ekki að hafa áhyggjur því að þessar blæðingar væru merki um fósturmissi. ( Koma því fram að ég er alls ekki tilbúin til að eignast annað barn) en ég er búin að vera virkilega stressuð því að ég er búin að vera einhvað aum í leginu, og er núna með hausverk. Eru einhverjar miklar líkur á því að ég sé ólétt? Ætla að taka annað test til að vera 100% Og getur maður ekki fengið einhver svona eymsli í leg eftir fósturmissi? Ef það kemur jákvætt þá verð ég að fara í fóstureyðingu.. Hvernig virkar það? Hvert hringi ég?

Heil og sæl, líkurnar á því að þú sért ófrísk eru sáralitlar. Nú skalt þú bíða róleg í eina til tvær vikur endurtaka þá þungunarpróf og sjá hvað úr því kemur. Þú getur líka farið og hitt kvensjúkdómalækni og ráðfært þig við hann. Það kemur ekki fram í bréfinu þínu hve langt framyfir blæðingar þú varst komin. Ef svo ólíklega vill til að þú þurfir að fara í fóstureyðingu þá getur þú rætt við heimilslækninn þinn og beðið hann um að koma þér í farveg, einnig getur þú haft samband við göngudeild kvennadeildar LSH. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.