Spurt og svarað

01. maí 2018

skjálfti í ökklum

Góðan dag og takk fyrir frábæran vef, svör við ýmsum spurningum hér hafa róað mömmuhjartað þegar það hefur engin svör og hugurinn fer að reika. Ég er með 8 vikna gamlan dreng sem er hraustur og stór eftir aldri. Ég hef verið að taka eftir því að stundum kemur skjálfti/titringur í kálfavöðvann þegar ég slæ ristinni mót sköflungi. Þetta minnir á clonus og það slær ca 5-8x. Ég er nýfarin að taka eftir þessu og finn engar upplýsingar um þetta þegar ég leita að þessu á netinu, amk engar á íslensku. Ég velti fyrir mér hvort þetta sé eðlilegt meðan taugakerfið er að þroskast eða hvort þetta sé eitthvað ég ætti að láta skoða af barnalækni.

Heil og sæl, ungbörn geta oft  fengið smáskjálfta án þess að neitt sé að t.d. í hökuna. Ég ráðlegg þér þó  að láta skoða þetta næst þegar þú ferð í ungbarnaverndina  í níu vikna skoðun. Það er mjög erfitt að segja nokkuð án þess að skoða barnið svo að það er best fyrir þig að fá einhvern til að meta þetta með þér. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.