Hjálp

21.05.2018

Ég var seinast á blæðingum 20. Mars og var bara í fjóra daga. Ég hef verið með óreglulegar blæðingar en ekki svona lengi. Ef tíðahringurinn minn sé 35 daga þá er eg 27 daga sein (samkvæmt appi sem telur fyrir mig) ég hef ekki verið svona sein áður. Ég er ekkert búin að vera stressuð undanfarið. Ég hef tekið próf og kom allt neikvætt, síðan fór ég í blóðprufu og það kom líka út neikvætt. Ég er samt búin að vera með helstu einkenni af þungun nema uppköst og miklar klósettferðir, er búin að þyngjast bara allt í einu samt er ekki búin að breyta neinu í mataræðinu. Get ég verið með svo lítið af hCG að það kemur framm neikvætt? Er eitthver önnur leið til þess að fá staðfestingu hvort ég sé þunguð eða ekki.

Heil og sæl ef bæði þungunarpróf og blóðprufa eru neikvæð þá ertu ekki ófrísk heldur er eitthvað annað sem veldur þínum einkennum. Ég ráðlegg þér að ræða málið við kvensjúkdómalækni. Gangi þér vel.