Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
22. nóvember 2014
Hæhæ.Ég ætlaði að athuga, ég er komin sirka 4-6 vikur á leið og vaknaði í nótt með mikinn verk í maganum. Ég fór á klósettið og svimaði þvílíkt og fékk ofur svitakast, svitnaði endalaust í framan og bara endalaust. En þetta stóð stutt yfir. Hvað getur þetta verið?
Sæl og blessuð, ég held ekki að þessir skyndilegu miklu magaverkir tengist meðgöngunni þar sem þeir stóðu svona stutt yfir. Verkirnir gætu hugsanlega verið tengdir einhverri magapest, það eru að ganga allskonar pestir. Það eru eðlileg viðbrögð við miklum verkjum að svitna og svima. Næst stig hefði líklega verið að liðið hefði yfir þig ef verkirnir hefðu haldið áfram á sömu braut. Ef þessir kviðverkir halda áfram eða þú færð hita þá ráðlegg ég þér að leita til læknis. Vonandi er þetta samt bara gengið yfir og þú hress Gangi þér vel.
Bestu kveðjurÁslaug Valsdóttirljósmóðir og hjúkrunarfræðingur
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.