Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
26. desember 2018
Hæhæ, ég átti barn fyrir 3 mánuðum síðan, var búin að vera með verki niður í lífbein á meðgöngunni og var ég klippt í fæðingunni. Ég byrjaði svo að fara á æfingar fyrir ca 2 vikum, alls búin að fara á 5 æfingar og finn fyrir óþægindum/þreytu niður í lífbein eftir æfingar. Einnig hef ég verið að finna fyrir því á kvöldin, eins og jafnvel bólgu eftir daginn? Einnig ef ég passa ekki upp á mataræðið og fæ harðlífi fæ ég illt í lífbeinið við mikinn rembing. Er þetta eitthvað sem ég ætti að láta skoða betur eða bara alveg eðlilegt.
Heil og sæl, mér heyrist eins og þú þurfir meiri tíma til að jafna þig eftir meögönguna og fæðinguna. Ef þetta truflar þig mikið þá getur þú rætt málið við lækninn þinn. Það er einstaklingsbundið hve langan tíma það tekur að ná sér að fullu eftir grindarverki. Gangi þér vel.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.