Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
06. janúar 2019
Hæhæ Ég og konan mín erum að reyna eignast okkar fyrsta barn og erum bæði rétt rúmlega 30 ára. Við erum ákveðin í því að vilja fá fylgjusýnatöku þegar að því kemur en höfum heyrt af fólki sem ráðlagt er að gera það ekki. Er það ekki alltaf í boði fyrir alla sem vilja og gera sér grein fyrir áhættu og öðru eða er þetta bara ef einhvað er óeðilegt i öðrum skoðunum sem þetta er gert?
Heil og sæl, fylgjusýnataka á við í ákveðnum tilfellum. Almennt séð ef ekkert sérstakt er að eða neinir erfðasjúkdómar í fjölskyldu þá er ekki boðið upp á fylgjusýntöku. Öllum stendur hinsvegar til boða hnakkaþykktarmæling/samþætt líkindamat og ef hún gefur vísbendingar um að eitthvað sé að þá er hugsanlega farið í fylgjusýnatöku í kjölfarið. Hér eru frekari upplýsingar um fylgjusýnatöku. Gangi ykkur vel.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.