Spurt og svarað

27. janúar 2019

Engar blæðingar

Sælar og takk fyrir frábæran vef. Ég á tæplega 15 mánaða strák sem ég er enn með á brjósti 2-3 á dag. Ég hef enn ekki byrjað á blæðingum en langar að verða ólétt aftur. Ég er ekki á neinni getnaðarvörn. Verð ég að hætta með hann á brjósti og bíða eftir að blæðingar byrji til að eiga meiri möguleiki á að verða ólétt? Hvað er best að gera í þessari stöðu? Bestu kveðjur, S

Heil og sæl, ég ráðlegg þér að sjá bara aðeins til. Það er mjög einstaklingsbundið hvenær konur verða aftur frjóar eftir barnsburð. Einu sinni var talað um að konur sem notuðu brjóstagjöf sem getnaðarvörn væru allar orðnar ófrískar eftir 18 mánuði. Ef að það er eitthvað til að fara eftir þá ættir það að fara að gerast. Fjölmargar konur verða barnshafandi á meðan brjóstagjöf stendur og þú ættir ekki að vera fórna brjóstagjöf núna þegar ekki er víst að það flýti fyrir getnaði. Ef þú ert mjög óþolinmóð þá ráðlegg ég þér að ræða málið við kvensjúkdómalækni. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.