Blæðing

05.02.2019

Góðan daginn, Fyrir 4 dögum tók ég þungunarpróf sem var jákvætt, um kvöldið byrjaði að blæða smá og það komu smá verkir (eins og togverkir) og það er búið að blæða núna í 4 daga, alls ekki mikið, en það kemur í pappírinn þegar að ég er búin að pissa og smá í bindið sem ég er með til öryggis, tók annað próf í gær og línurnar voru jafn dökkar og fyrir 4 dögum, er ekki með neina verki núna og hef ekki verið með nema bara þarna kvöldið sem ég tók prófið og morguninn eftir. Samkvæmt útreikningunum mínum ætti ég að vera komin 5v+5d í dag, hef smá áhyggjur núna, hélt þetta væri bara hreiðurblæðing getur þetta verið það?. Veit ekki alveg hvert ég á að leita ? 

Heil og sæl, ég ráðlegg þér að bíða og sjá hvað úr verður. Ef þú treystir þér ekki til þess er best að leita til kvensjúkdómalæknis og fá skoðun hjá honum. Gangi þér vel.