Spurt og svarað

04. maí 2009

Svör úr sykurþolsprófi

Sælar og takk fyrir þennan frábæra vef.  

Í morgun fór ég í sykurþolspróf og fékk ég þessar niðurstöður 3,9(4-6) 7,7(10) 5,6(10) 7,7(7,5) 6,2(6,4), miðað við þetta þá var ég allsstaðar undir mörkum nema þegar 1,5 t var liðinn en þá var ég aðeins yfir, hvað segir þetta mér? Hjúkkan( er ekki hjá ljósmóður því hún er ekki til staðar í mínum bæ) vissi ekki alveg hvað þetta þýddi en hún ætlaði að spyrja ljósu, en ég á ekki tíma í skoðun næst fyrr en eftir 2 vikur, getið þið sagt mér hvað þetta þýðir.

Kær kveðja Stuðbolti og verðandi mamma


Komdu sæl

Ég á svolítið erfitt með að átta mig á öllum þessum tölum hjá þér.  Venjulega er tekinn blóðprufa þegar þú ert fastandi og svo eftir 60 mínútur og aftur eftir 120 mínútur.  Eðlileg mörk fastandi eru 3 - 6,4.  Eftir 60 mínútur eru eðlileg mörk undir 10 og eftir 120 mín eru eðlileg mörk undir 7,8. 

Vona að þetta svari einhverju, kveðja

Rannveig B. Ragnarsdóttir,
ljósmóðir og hjúkrunarfræðingur.
4. maí 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.