Spurt og svarað

19. febrúar 2019

Málningarvinna með nýbura á heimilinu

Góðan dag, nú búum við í gamalli íbúð með u.þ.b. mánaðargamalli dóttur okkar. Kærastinn minn réðst á dögunum í smá framkvæmdir í einu herberginu hér, þ.m.t. að pússa og mála gluggakistu. Ég fór að hafa áhyggjur af því að blý gæti leynst í málningunni sem hann væri að pússa og barnið gæti verið að anda því að sér í formi ryks, en ég las að slíkt gæti verið mjög skaðlegt. Vitiði eitthvað um blýnotkun í málningu hérlendis? Er almennt mjög varhugavert að vera að mála og slíkt þegar nýburi er á heimilinu?

Heil og sæl, nei við erum ekki alveg með á hreinu hvaða innihaldefni eru í málningu enda fer það sjálfssagt eftir hvaða málningu er um að ræða. Lífið heldur áfram eftir að barn fæðist og ef þarf  að sinna viðhaldi þá gerið þið það. Það er samt ágætt að loka inn í það herbergi sem verið er að mála og vera með barnið annarsstaðar í íbúðinni og svo að loft vel út ef lykt er sterk. Einnig má hugsa sér ef aðstæður eru þannig að fara með barnið í heimsókn annað meðan verið er að lofta út. Gangi ykkur vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.