Spurt og svarað

21. mars 2019

Minni peli, meiri matur og vatn

Góðan dag. Nú er ég með eina 8 mánaða á Kanarí eyjum og missum við af næstu skoðun þar til í apríl, aukþess að búa út á landi í þokkabót. Ég er búin að skoða mikið á netinu varðandi magn pela á þessum aldri ásamt því að mér finnst eins og það sé verið að meina að hætta alveg með pelann og færa mjólkina þá yfir í stútkönnu? Hún er búin að vera á þurrmjólk síðan 3 mánaða og heldur enn fast í sína pela á daginn og lítur lítið við grófari mat ef hann er ekki fínn stappaður. Sem ég vil auðvitað breyta, minka pelann og meiri mat og vatn. Nema hún bara lýtur ekki við vatni hvort sem það er í pela eða stútkönnu. Mín helsta spurning er hvað er best að gera í svona stöðu, þegar að barn neytar að drekka vatn? Á ég að reyna hætta með pelana og byrja meira með stútkönnu? Hún drekkur 180ml í hvern pela og alveg 4-5 pela á dag. Tek samt fram að ég reyni eftir minni bestu getu að gefa henni fasta fæðu á undan, nokkrum sinnum á dag en það er alltaf pláss fyrir pela.

Heil og sæl, það er ekkert eitt rétt í þessu. En auðvitað er lokatakmark að hætta við pela og borða hollan og fjölbreyttan mat og drekka úr glasi. 4-5 pelar á dag er talsvert og það á að vera hægt að draga úr því í rólegheitum. Ég ráðlegg þér að fækka pelum um einn og láta hana aðlagast því og svo fækka um annan þangað til einn til enginn er eftir. Ef hún á mjög erfitt með það er hægt að minnka magnið í pelanum smám saman þar til mjög lítið er í hverjum. Endilega venja hana á stútkönnuna en hafðu ekki áhyggjur af vatnsdrykkju það kemur í rólegheitum. Taktu þetta bara föstum tökum en gefðu þér tíma, þetta kemur allt saman. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.