Spurt og svarað

11. apríl 2019

Brjósta verkir

Er með viku gamalt barn og hún er dugleg að drekka, mjólkin kom frekar snemma hjá mér og mér hefur liðið eins og ég sé að springa frá því hún var 2-3 daga gömul. Byrjaði á að vera bara aum í geivörtunum og fékk smá sár, en hún tekur brjóstin samt alveg rétt. Fékk stálma (að ég held) þegar mjólkin var að koma og var öll frekar þrútin og aum. En núna er barnið viku gamalt, og annað brjóstið sérstaklega er alltaf svo hart og aumt, þó hún drekki úr því er það samt aumt og hart á eftir, finnst ég líka finna meiri hnúða í því en hinu. Það má varla koma við brjóstin á mér án þess að ég finni til, og ofan á það eru geirvörturnar enþá aumar, þó þessi litlu sár séu gróin eða að gróa og bara virkilega vont að leggja hana á brjóst, en lagast samt þegar hún er byrjuð að drekka og finn ekki til á meðan. Barnið er að drekka í 20-40 minutur í einu og á 2-3 tíma fresti. Ég hef ekki fengið hita og ekki rauð á brjóstunum, smá heitt að koma við þau reyndar. Ætli þetta sé byrjun á eða komnar stíflur? Hvað er hægt að gera í því annað en að nudda í heitri sturtu og láta drekka reglulega? Á eina mjög góða brjóstagjöf að baki sem byrjaði líka með aumum geirvörtum sem var fljótt að jafna sig, en var ekki svona rosalrga augunum brjóstum sjálfum þá svo þetta er að byrja mun verr.

Heil og sæl,ég ráðlegg þér að fara í skoðun með brjóstin á þér. Þessi einkenni geta vel verið byrjun á stíflu. Þú getur hringt í Landsptíalann 5431000 og fengið að tala við ljósmóður sem er með bráðasíma kvennadeildar, eða haft samband við ljósmóður á heilsugæslustöðinni þinni. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.