Spurt og svarað

18. apríl 2019

Gubb og pirringur á brjósti

Hæhæ! Tvær spurningar : Eg er með eina 5 vikna sem er á brjósti. En núna undanfarið hefur hún verið mjög oróleg á brjósti. Finnst eins og það byrji þegar líður á gjöfina og grunar að það sé þegar það tekur meira á að sjúga (rjóman hugsanlega). Er eitthvað annað en þolinmæði sem gæti hjálpað? Einnig finnst mér hún vera að gubba mikið eftir gjafir en ég passa að hún ropi alltaf sem hún gerir og svo kemur alltaf ágætlega mikið gubb. Hún hefur þyngst vel, alveg 300 g á viku en hefur ekki verið mæld í viku núna og fer næst í 6 vikna skoðun. Ætti eg að bíða fram i 6 vikna skoðun eða tala við hjúkkuna? Takk fyrir góðan vef.

Heil og sæl, hún gubbar væntanlega þar sem hún fær mikið að borða, 300 gr. þyngdaraukning á viku er frekar mikið. Ég tel að þú eigir að vera róleg og sjá til hvað gerist með brjóstið, hvort þessi óróleiki gengur ekki bara yfir. Ef þetta er ekki gengið yfir þegar þið farið í sex vikna skoðun ráðlegg ég þér að ræða málið þá við ungbarnaverndina. Gangi ykkur vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.