Spurt og svarað

07. febrúar 2011

Sykurþolspróf

Sælar.

Ég hef spurningu sambandi við sykurþolspróf og meðgöngusykursýki. Þannig er mál með vexti að ljósmóðinir mín benti mér á að það væri sniðugt fyrir mig að panta tíma í sykurþolspróf og það er búið að gera það en ég var að spá hvort það væri kannski óþarfi. Ástæða þess að hún vill senda mig er að síðasta barnið mitt var 57cm og næstum 20merkur. En eftir að ég skoðaði hér link um meðgöngusykursýki á síðunni ykkar finnst mér ólíklegt að ég sé með meðgöngusykursýki. Það er til dæmis
engin í ættinni sem hefur fengið slíkt né venjulega sykursýki, barnið mitt fékk ekki gulu, né blóðsykurfall eftir fæðingu, aldrei fannst sykur í þvagi á síðustu meðgöngu, ég er ung og á alls ekki við offitu að stríða, fæddi ekki fyrir tímann, fékk ekki meðgöngueitrun og síðan var ég frekar með of lágan blóðþrýsting heldur en of háan. Þótt ég sjálf hafi ekki verið stór þegar ég fæddist og er ekki í dag þá er pabbi minn, tengdapabbi og maðurinn minn allir yfir 1.90 á hæð. Er óþarfi að ég fari í þetta próf þar sem engin einkenni voru til staðar nema stórt barn. Barnið mitt er ennþá stórt í dag, semsagt heldur sinni kúrfu þannig að hann fæddist ekki bara stór.



Sæl.

Samkvæmt þeim leiðbeiningum frá landlækni sem farið er eftir í mæðravernd, ættu konur sem hafa fætt stórt barn áður að fara í sykurþolspróf á næstu meðgöngu.  Það að allt annað hafi verið í lagi er ekki sönnun á því að þú hafir ekki verið með meðgöngusykursýki þá.  þess vegna er ljósmóðirin þín að ráðleggja þér þetta. 

Þú hefur rétt á að afþakka ef þú vilt ekki fara.

Kveðja

Rannveig B. Ragnarsdóttir,
ljósmóðir og hjúkrunarfræðingur.
7. febrúar 2011.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.