Spurt og svarað

14. maí 2019

Fjöldi máltíða hjá 5 mánaða

Góðan dag og takk fyrir flottan vef. Ég er með eina 5 mánaða sem er nýfarin að fá graut. Hún drekkur 2-3 á nóttunni (ég er með hana á brjósti), svo fær hún að drekka um 10 leytið á morgnanna, sefur svo frá ca 11-14 og fær þá graut og brjóst, síðan um 5/6 leytið fær hún brjóst, og svo kl 20:00 fær hún graut og brjóst og fer svo að sofa um 21:00/21:30. Ég er að velta fyrir mér hvort að þetta sé næg næring fyrir hana? Hún er 6,8 kg en ætti í raun að vera um 7,5 kg svo að hún er ekki að þyngjast nóg. Hlakka til að heyra frá ykkur.

Heil og sæl, það er erfitt að segja til nákvæmlega hvað er nóg. Brjóstamjólk er talin næg næring fyrstu sex mánuðina svo að hún er að fá graut extra. Það þyngjast ekki öll börn eins og ef hún þroskast vel og er ánægð og róleg þá er allt í lagi þó hún sé aðeins í minni kantinum. Það geta ekki allir verið stórir. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.