Spurt og svarað

22. júní 2010

Taka tvö - keisari síðast

Sælar!

Nú þegar farið er að huga að því að eignast annað barn þá vakna upp spurningar. Því fyrri fæðing var bráðakeisari. Fór af stað um 35. viku og barnið var sitjandi. Annars var nokkuð eðlileg meðganga að baki. Það er talað um þegar fyrri fæðing er keisari þá flokkist maður í áhættuhóp á næstu meðgöngu. Hvað felst í því? Er meira eftirlit alla meðgönguna eða bara á lokasprettinum?

Kveðja, Fyrirhyggjan.


Sæl og blessuð!

Konur sem hafa farið í keisara og einnig þær sem hafa fætt fyrirbura eru í meðgönguvernd hjá ljósmóður og heimilislækni á sinni heilsugæslustöð en mælt er með að þær hitti fæðinga- og kvensjúkdómalækni eða aðra sérfræðinga a.m.k. einu sinni á meðgöngunni. Þannig að þú hefur bara samband við þína heilsugæslustöð þegar að þessu kemur.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
22. júní 2010.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.