Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
24. mars 2015
Ég fór til tannlæknis komin 26 vikur, hún var eitthvað utan við sig og sá ekki að ég væri ólétt og ég hélt að það færi ekki fram hjá henni. Áður en ég vissi af er hún búin að taka myndir af tönnunum og ég var ekki með neina svuntu. Hversu hættulegt er þetta þegar ég er komin svona langt? Hef lesið mjög misvísandi svör á netinu
Heil og sæl, þú getur verið alveg róleg. Það er auðvitað æskilegt að verja sig fyrir röntgengeislun en þetta er mjög lítil geislun og þú komin langt svo að þú þarft ekki að hafa áhyggjur. Ég hef heyrt en ekki fengið alveg staðfest að það sé minni geislun af þessu en að fara eina ferð í flugvél. Það má benda á líka að í gamla daga fóru konur stundum í röntgenmynd seint í meðgöngunni til að meta stærð mjaðmagrindarinnar og það hafði ekki neinar afleiðingar í för með sér. Gangi þér vel og hafðu ekki áhyggjur!!
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.