Spurt og svarað

03. október 2009

Tea tree stílar við sveppasýkingu

Sælar og takk fyrir fína síðu.

Ég sá að það mætti senda inn athugasemd en mig langaði svo að mæla með tea tree stílum við sveppasýkingu í leggöngum. Ég er gengin 6 mánuði á leið og fékk sveppasýkingu (candida) fyrir rúmum mánuði og notaði tea tree stílana (og minnkaði sykurneyslu) og varð góð mjög fljótt. Ég keypti tree trea stílana í Jurtaapótekinu hjá Kolbrúnu grasalækni á Laugavegi og þær fullvissuðu mig um að það væri í lagi að nota þá á meðgöngu og mér sýnist á öllu að þær séu afar strangar á inntöku jurta á meðgöngu og fátt sem að megi taka en tea tree er í lagi útvortis.

Annað sem ég hef gert með góðum árangri er að nota kalt á gyllinæð. Ég hef sett klaka í mjög stutta stund þarna niðri bara alveg örstutt og mér fannst það hjálpa.

Bestu kveðjur.


Sæl og blessuð og takk fyrir sendinguna!

Það er alveg rétt að það er óhætt að nota tea tree stíla við sveppasýkingu og gott að vita að hægt sé að kaupa þá í Jurtaapótekinu. 

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
3. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.