Spurt og svarað

07. júní 2007

Teygjusokkar

Sælar ljósmæður og þakka ykkur fyrir frábæran vef. Miklar og góðar upplýsingar hér að hafa.

Mig langaði að fá ykkar álit á notkun teygjusokka við bjúg. Ég er gengin 33 vikur og bjúgurinn farin að setjast verulega í kringum ökkla, ég er í kyrrsetu vinnu, og reyni að hreyfa mig og fara í sund til að losa bjúginn en það virkar mjög tímabundið. Þegar mest lætur get ég myndað allt að 1 cm djúpa holu innanvert á ökkla. Mynduð þið ráðleggja að ég prófaði að nota teygjusokka, og þá einhverja sérstaka tegund?

Með fyrirfram þökk, Lilja.


Sæl - og takk fyrir fyrirspurnina.

Ég held ég myndi frekar mæla þá með meðgönguteygjusokkabuxum veit að þær eru til í Móðurást án þess að ég viti um fleiri staði,  tel það heppilegra en sokka, þar sem þeir geta heft blóðarásina við kálfann. Einnig er það ágætt sem þú þegar ert að gera fyrir þig nú þegar, prufa að drekka trönuberjasafa t.d. sakar ekki. Stundum er hreinlega mjög erfitt að koma í veg fyrir bjúg hann bara kemur og þá er langbest að vera sem mest í hvíld og hafa fætur uppi t.d. á skemli t.d. við vinnu eða þegar er verið í hvíld heima við.

Vonandi hefur þetta eitthvað svarað fyrirspurninni.

Kær kveðja,

Sigrún E. Valdimarsdóttir,
ljósmóðir og hjúkrunarfræðingur,
7. júní 2007.

Sjá einnig fyrirspurn um Bjúg...





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.