Spurt og svarað

16. nóvember 2009

Tilkynnt um kyn án þess að spyrja?

Góðan dag!

Mig langar að spyrjast fyrir um þær reglur sem ljósmæður starfa eftir þegar um vaxtasónar er að ræða. Við hjónin ákváðum að vita ekki kynið á unganum okkar og höfum verið mjög spennt yfir því að láta það koma okkur á óvart. En í vaxtarsónar þegar ljósmóðirin var að mæla barnið sagði hún til um hvort kynið væri um að ræða. Við óskuðum ekki eftir því að vita kynið og töldum að maður þyrfti ekkert að tilkynna það sérstaklega, er það misskilningur hjá okkur? Hve örugg er kyngreining á viku 34 miðað við 20 viku?

Takk fyrir frábæran vef.

Kveðja, Ungamamma.


Sæl!

Þær reglur gilda á fósturgreiningardeildinni að aldrei er talað um kyn, nema foreldrar óski eftir því sérstaklega. Hins vegar tölum við oft um „hann“ „krakkann“ meðan á skoðun stendur og þykir okkur leitt ef það er misskilið sem að barnið sé drengur. Kyngreining með ómskoðun er aldrei 100%.

Kveðja og gangi þér vel,

María Jóna Hreinsdóttir,
ljósmóðir - deildarstjóri fósturgreinardeildar LSH,
16. nóvember 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.