Spurt og svarað

10. október 2008

Tímasetning hnakkaþykktarmælingar

Sælar og takk fyrir frábæran vef!

Ég er í smá vafa. Ég bý erlendis og var að fá sent bréf frá sjúkrahúsinu með innköllun í hnakkaþykktarmælingu. Ég á að fara þegar ég er á 11. viku, þ.e. gengin ca. 10 vikur og 5 daga. Er það ekki of snemmt? Sjá þær strax ef ég er komin of stutt? Getur það haft áhrif á nákvæmni mælingarinnar ef hún er gerð svona snemma

Með fyrirfram þökk, Eva.


Sæl!

Hnakkaþykktarmælinguna er ekki hægt að gera fyrr en við 11 vikur og 2 daga. Á sumum sjúkrahúsum er blóðprufan tekin á undan og svo komið í hnakkaþykktarmælinguna nokkrum dögum síðar og þá liggja niðurstöður blóðprufunni fyrir og fær þá konan niðurstöðuna strax eftir hnakkaþykktarmælinguna. Á  Íslandi gerum hvort tveggja í einni ferð og konur fá niðurstöðu eftir 2 daga. 

Kær kveðja og gangi þér vel,

María Jóna Hreinsdóttir,
ljósmóðir - deildarstjóri fósturgreinardeildar LSH,
10. október 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.