Spurt og svarað

07. apríl 2008

Túrverkir í byrjun meðgöngu

Hæhæ kæru ljósmæður og takk fyrir góðan vef!

Ég er komin tæpar 16 vikur á leið og í dag, eftir að ég hafði farið í sund og synt dálítið mikið, var komin heim og sest niður, fékk ég mjög óþægilega svona túrverki. Þetta voru svona eins og slæmir túrverkir vanalega. Þetta stóð yfir í svona 5 mínútur og hætti svo. Það er ekkert að blæða eða neitt, en ég er samt óróleg og á ekki tíma hjá ljósunni fyrr en þegar ég verð komin 18 vikur.

Er þetta eðlilegt? Á ég að hætta að hreyfa mig, þar sem það getur komið svona samdráttum eða verkjum af stað?

kv. Áhyggjufull


Komdu sæl

Túrverkir eru nú fremur algengir svona í byrjun meðgöngu og oftast ekkert til að hafa áhyggjur af, en kannski hefur þú reynt aðeins of mikið á þig í sundinu sem getur hafa orsakað samdrættir sem lýstu sér svona.  Eitt einstakt tilfelli er ekkert til að hafa áhyggjur af.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
7. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.