Spurt og svarað

02. mars 2007

Tvíburamamma og skoðanir

Ég fer i reglulegt eftirlit til ljósmoðir á heilsugæslunni minni, allt er eðlilegt með tvíburarna og mér liður vel. Er að velta fyrir mér hvort ég þurfi að fara í læknisskoðun áður en fæðinginn fer af stað, ég meina mun heimilislæknirinn skoða útvikkanir og annað í klofinu á mér eða eru engar svoleiðis skoðanir gerðar fyrr enn á fæðingardeildinni? Hef smá asnalegar áhyggjur af því, finnst það óþægilegt með karllækna í þessu hlutverki.

Fyrstu börn í 31:a viku
Fyrirframþakkir


Komdu sæl.

 

Undir venjulegum kringumstæðum er engin þörf á því að skoða útvíkkun á meðgöngunni fyrr en fæðing fer af stað og það á jafnt við um tvíburamömmur og aðrar.  Aðrar skoðanir að neðan eru einungis gerðar ef um eitthvað vandamál er að ræða sem þarf að skoða nánar.  Hugsanlega vill ljósmóðirin þín senda þig til fæðingalæknis seint á meðgöngunni til að ræða fæðinguna og ef eitthver vandamál koma upp, þar sem þú ert með tvíbura en skoðun að neðan er ekki nauðsynleg. 

Gangi þér vel.

Rannveig B. Ragnarsdóttir,
hjúkrunarfræðigur og ljósmóðir.
02.03.2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.