Spurt og svarað

09. júní 2010

Barnshafandi í öskufalli

Góðan dag.

Í dag 4. júní 2010 er öskufall í Reykjavík og svifryksmengun yfir heilsuverndarmörkum. Ég er komin 25 vikur á leið og vildi spyrja hvort ófrískum konum sé ráðlagt að vera með rykgrímur utan dyra. Ég geng í og úr vinnu (ca 10-15 mín) og fer gjarnan út með hundinn í stuttar gönguferðir. Ég sit nú inni við vinnu en finn þegar smá ertingu í augum og nefi. Hvað ráðleggið þið í þessum efnum? Ég hef lesið bækling almannavarna og reynt að leita upplýsinga á netinu, en ekki fundið svörin sem mig vantar.

Með kveðju, Sigrún.


Komdu sæl Sigrún.

Ef þú ert ekki með undirliggjandi sjúkdóma ætti þér að vera óhætt úti en vissulega getur þú fundið fyrir óþægindum í augum og særindum í hálsi.  Það ætti samt ekki að hafa áhrif á barnið þitt.

Kveðja

Rannveig B. Ragnarsdóttir,
ljósmóðir og hjúkrunarfræðingur.
9. júní 2010





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.