Spurt og svarað

10. ágúst 2009

Útlönd á meðgöngu

Hæhæ.

Ég var að spá hvort að það væri í lagi fyrir mig að fara til útlanda þegar ég er kominn 6 og 1/2 mánuð á leið, ég hef heyrt að það sé ekki í lagi að fara eftir 6 mánaða meðgöngu.

Kveðja Agnes Ósk

 


 

Sæl Agnes Ósk 

Við ljósmæður bönnum engum að fara til útlanda en flugfélögin eru með mismunandi reglur varðandi þetta og þá er aðallega verið að spá í tryggingar ef eitthvað kemur fyrir.  Það þarf líka að spá í reglur í tengiflugi ef það er í myndinni.

Eftir því sem líður á meðgönguna því líklegra er að eitthvað komi uppá og því sjálfsagt að huga að því hvort maður vilji vera staddur í útlöndum ef eitthvað gerist eins og t.d að legvatnið fer, en þá er konan föst þar sem hún er um ókomna mánuði.

Einnig er nauðsynlegt að huga vel að tryggingunum sínum.

Það er ágætt líka að fara yfir gang meðgöngunnar hingað til með ljósmóðurinni þinni og ræða þetta við hana útfrá sjálfri þér og hvernig meðgangan hefur verið fram að þessu.

Kveðja

Rannveig B. Ragnarsdóttir,
ljósmóðir og hjúkrunarfræðingur.
10. ágúst 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.