Spurt og svarað

23. nóvember 2006

Verkir í brjóstum, komin rúmlega 32 vikur

Heilar og sælar og takk fyrir góðan vef.

Ég er komin rúmlega 32 vikur og hef verið að fá verki í brjóstin. Held samt að það sé sennilega af því að broddurinn sé að koma, en það hafa komið nokkrir glærir dropar úr hvoru. Málið er að þau eru frekar heit alltaf og rauð, er það alveg eðlilegt? Eins hefur verið náladofi, í vinstra brjóstinu, ég hélt að það væri af því að brjóstahaldarinn væri of þröngur yfir rifbeinin, en svo hef ég verið að fá þetta þegar ég er ekki í honum líka.

Með von um svar, H.


Sæl og blessuð H.

Þetta getur alveg verið eðlilegt. Verkirnir eru vegna alls þess sem er að gerast inn í brjóstunum til undirbúnings brjóstagjöfinni. Náladofinn getur verið tilfinning sem þú færð vegna þrýstings innanfrá. Þá verður klemma á taugum. Það er líklegast að þetta gerist eftir langan tíma í sömu stellingu. Kannski eftir að legið hefur verið á annarri hliðinni lengi eða hallað sér út á hlið í stól lengi. Þetta ætti svo að jafna sig eftir smástund í eðlilegri stöðu eða eftir smá nudd.    

  

yfirfarið 29.10.2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.