Verkir í kviðarholi o.fl.

06.10.2006

Hæ, hæ og takk fyrir góða síðu!

Mig langaði að spyrja um hvort að sárir verkir í kviðholi sem ég finn aðallega þegar ég pissa, sé eitthvað til að hafa áhyggjur af.

Er hægt að skipta um ljósmóður á meðgöngutíma? Ég get ekki talað við mína þar sem öll svörin eru „þú ert bara móðursjúk“.

Með bestu kveðju, mamma.


Sæl og takk fyrir fyrirspurnina!

Það er ekki eðlilegt að finna til í kviðarholinu þegar þú pissar það þarf að senda þvag í ræktun og athuga hvort þú sért með blöðrubólgu, ef ekki þá þarf að skoða þig betur. Þú þarft að tala um þetta við ljósmóðurina þína, þér er alveg óhætt að fá að skipta um ljósmóður það er ekkert alltaf sem manni líkar við alla svo þér er alveg óhætt að skipta. En farðu með þvagprufu í heilsugæsluna þína og fáðu þær til að stixa þvagið.

Kær kveðja og gangi þér vel,

Sigrún Erla Valdimarsdóttir,
hjúkrunarfræðingur og ljósmóðir,
6. október 2006.