Spurt og svarað

30. júní 2010

Yfirliðstilfinning

Ég er komin 20 vikur á leið, og er í ágætri hreyfingu á hverjum degi. Labba á kvöldin og morgnanna.  Er mjög járnlítil en er að taka járn töflur á hverjum degi ásamt omega 3 fitusýrum og þorskalýsi.  Ég var að labba upp stiga í dag og ég fékk svona yfirliðatilfinningu eins og það væri að líða yfir mig ég heyrði í mínum eigin hjartslætti og var alveg að detta aftur fyrir mig. Fékk rosalegann höfuðverk eftir þetta og svitnaði mikið og leið alveg ótrúlega illa.  Mín spurning er þessi hvað getur þetta verið? 

Nína


Sæl Nína.

Sennilega hefur þetta verið blóðþrýstingsfall sem gerist gjarna á meðgöngu.  Konur eru misviðkvæmar fyrir þessu en ráðið er að borða vel og reglulega og drekka vel, vera jafnvel alltaf með vatn með sér.  Þetta kemur helst þegar konur hreyfa sig snögglega eða eru að breyta um stellingu en getur gerst eins og hjá þér hvar og hvenær sem er.  Það þarf bara að læra svolítið á þetta.

Gangi þér vel.

Kveðja

Rannveig B. Ragnarsdóttir,
ljósmóðir og hjúkrunarfræðingur.
30. júní 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.