Spurt og svarað

05. febrúar 2015

Þrengri leggöng

Hæhæ :-) Ég er gengin tæpar 36 vikur með fyrsta barn og upp á síðkastið þegar við kærastinn höfum stundað kynlíf, þá talar hann mikið un að ég sé orðin þrengri þarna niðri. Eins hef ég fundið fyrir þessu sjálf og líður stundum eins og ég sé að missa meydóminn í hvert skipti. Ég fór bara að velta því fyrir mér hvort þetta sé rugl í mér eða líkaminn eitthvað að undirbúa sig? Kv. Frumbyrjan

 
 Heil og sæl frumbyrja, mér finnst langlíklegast að þú sért orðin frekar þrútin að neðan. Það er eðlilegt og margar  konur finna fyrir því. Stundum er það greinilega sýnilegt með berum augum og ytri kynfærin eru áberandi stærri en fyrir meðgönguna.  Það er eðlilegt að þrútna í lok meðgöngunnar á öllum líkamanum, hringar verða þröngir á fingrum og skór þrengri en vanalega – eins taka margar eftir þrota á augnlokum og vörum.  Við förum svo að tala um bjúg þegar þessi þroti er orðinn mun meiri og meira áberandi.  Það getur líka verið eðlilegt en þarf samt að skoðast vel og ljósmóðirin þín í mæðraverndinni metur það.  Gangi þér vel.


Bestu kveðjur
Áslaug V.
ljósmóðir og hjúkrunarfræðingur
5. feb. 2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.