Spurt og svarað

03. janúar 2007

Þroti að neðan

Hæhæ og takk fyrir frábæran vef !
Mig langaði að spyrja fynst það nú samt hálfasnlegt en ég læt mig nú samt hafa það :o). Eftir að ég varð ófrísk þá fanst mér allt í klofinu á mér verða svona þrútið og útstætt,er það einhvað sem gerist bara eða er þetta ekki eðlilegt?


Komdu sæl og takk fyrir þarfa fyrirspurn.

Það eru engar asnalegar spurningar til sem varða meðgöngu og fæðingu.  En snúum okkur að svarinu.  Á meðgöngu eykst blóðflæði til kynfæranna meðal annars og það getur valdið því að þér finninst þú þrútin að neðan.  Önnur ástæða er að eftir því sem á líður meðgönguna (þú talar ekkert um hvað þú ert langt með gengin) eykst þrýstingur niður og getur valdið bjúgi á þessu svæði.  Einnig eru konur útsettari fyrir æðahnútum á meðgöngu og þeir geta líka komið fram á kynfærum og þá bólgna þau, en æðahnútarnir sjást ekki endilega.  Við þessu er hægt að fá krem til að bera á sig en þú þarft að tala um þetta við lækni ef þú heldur að þetta þurfi meðhöndlun, því það þarf lyfseðil fyrir kreminu.

Bestu kveðjur

Rannveig B. Ragnarsdóttir,
hjúkrunarfræðingur og ljósmóðir.
3. jan. 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.