Spurt og svarað

04. febrúar 2020

Hætta á pillunni fyrir þungun

Sæl, mér og kærastanum minum langar mjög mikið í barn. Þess vegna hætti ég að taka inn pilluna i lok desember. Ég er búin að vera á pillunni í þrjú ár. Ég var að spá hvort það tæki einhvern ákveðin tíma til þess að hormónin í líkamanum jöfnuðu sig til þess að geta orðið ólétt eða hvort það gerist bara strax eftir síðustu blæðingar semsagt í des? Gæti verið mjög asnaleg spurning haha

Sæl, það tekur yfirleitt nokkra mánuði eða tíðahringi fyrir blæðingarnar að verða reglulegar eftir að kona hættir á pillunni. Á meðan blæðingarnar eru óreglulegar getur verið erfitt að finna út hvenær egglosið verður. En í hvert sinn sem þú færð egglos, sem verður u.þ.b. 2 vikum fyrir blæðingar, þá áttu möguleika á að verða ólétt.

Kær kveðja, Hafdís Guðnadóttir, ljósmóðir.

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.