Spurt og svarað

26. febrúar 2020

Jákvætt óléttupróf

Góðan daginn. Ég hef eina spurningu. Ég var siðast á túr 5 janúar. Málið var að þessar blæðingar voru rosa skrítnar og ég blæddi ekkert það mikið en samt pínu í alveg 5 daga. Ég er með reglulegar blæðingar og tíðahringurinn minn er alltaf 26 dagar. Ég fékk jákvætt óléttupróf 26. Janúar, er einhver möguleiki á að ég sé komin lengra en ég held? Getur maður farið á túr fyrstu vikur meðgöngu?

Sæl, það getur blætt á fyrstu vikum meðgöngu og stundum blæðir þegar fóstrið er að festa sig, sem getur verið á svipuðum tíma og næstu blæðingar ættu að vera.

Að fá jákvætt þungunarpróf 3 vikum eftir fyrsta dag síðustu blæðinga er tiltölulega snemmt en möguleiki ef prófið er mjög næmt og þú með stuttan tíðahring. Eina leiðin til að fá þetta á hreint er að fara í snemmsónar hjá kvensjúkdómalækni.

Kær kveðja, Hafdís Guðnadóttir, ljósmóðir.

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.